Friday, October 12, 2007

عيد سعيد


كل سنة وانتم طيبين وانشالله يكون عيد سعيد عليكم وعلى الامة الاسلامية اجمعين

محدش يكتر في اكل الكحك عشان الرجيم الحاجات ده بضر الصحة

وانشالله كل اللى نفسه في حاجة تحقق وربنا يوفقنا جميعاً

انا مستنيه العيدية اقل من خمسة جنية مش هقبل

كل سنة وانتم بألف خير


Thursday, September 27, 2007

نقاب .. ولكن



ظاهرة غريبة بشوفها اليومين دول وهي ظاهرة النقاب تلاقي الوحدة فجأة كده وبدون إنذار لبست النقاب وهي مش تعرف أساساً إيه شروط و قواعده ، بيفتكروه زيه زي الحجاب مع إن الحجاب بردوا ليه شروط وقواعد ، أنا مش ضد النقاب ولا حاجة بس مرت عليا ثلاث حالات منهم حالتين كانوا مش لفتيين نظري أوي لكن الحالة الثالثة هي اللي خلتني أقف وأتكلم عن موضوع النقاب
أول حالة وهي (أ) / عندها 19سنة متجوزة وحامل .
لبست النقاب بعد أول أسبوع من جوزها مش عشان مقتنعة بيه أو هتعمل بيه لأخرتها لاء عشان تبعد عنها المشاكل بس ، جوزها غيور وشكاك ومش بيحب اللبس الضيق ولا اللي على الموضة ريحت دماغها ولبست النقاب ( ده على أساس إن مافيش إلا اللبس الضيق في البلد ) قبل ما تلبسه جت وقالت لي إنها هتلبسه وقعد أقول نفس نصائح اللي المفروض تتقال في الموقف ده وهي ( الالتزام بالصلاة في أوقاتها وقراءة القراّن – مافيش هزار في الشارع ولا سماع أو التحدث بكلام خارج عن الحدود – معاملة الناس عامة بحدود كل - حاجة ليها حدود ) وحصل ولبست النقاب ( مع إن محدش غصبها عليه ) وقولت نفس النصائح تاني ولا كأني قولت حاجة مافيش صلاة - كدب على الفاضي والمليان - مجالس النميمة – توصيل كلام غير اللي سمعته خالص – هزار وصوت عالي في الشارع - في رمضان بتصلي الفجر والمغرب بس ، تفتكروا هو ده النقاب ؟
الحالة الثانية وهي (س) 26سنة تقريباً / متجوزة وعندها بنت
حياتها عادية خالص بتخرج وبتشتغل وبتلبس لبس عادي وحجاب من بتاع اليومين دول حصل معاها مشكلة ووصلت لفضيحة وخافت على شكلها أدام الناس راحت لبسه النقاب من غير اقتناع خالص وبردوا مش بتعمل بيه ولا صلاة ولا عاملة حدود مع أي حد – ده غير لسانها اللي مش بيخلى من الكلام في قلة الأدب – والشتائم .

ينفع إن ده تلبس النقاب وتستمر فيه ؟
الحالة الثالثة بئه وهي (ص) 20سنة / متجوزة وعندها ولد .
لقيتها داخلة عليا الشغل وهي منقبة ، ودي بئه بالذات محدش كان يتوقع إنها تلبس النقاب خالص وبردوا مش بتعمل بيه ولبسته بس عشان جوزها قلها تلبسه ( قال يعني البت بتسمع الكلام ) كلمتها وقولت لها مقتنعة بيه قالتلي مش أوي ، طيب أنتي لبساه غصب قالتلي لاء ، طيب لازم تعملي بيه وقولت نفس النصائح ، وقالت لي هتروح تسأل شيخ هو يجوز تقلع النقاب أدام أخوات جوزها ؟ والنبي ده يترد عليها بأية ؟
أنا بئه رديت وقولت لها مش ينفع حرام لأنهم كبار الواحد منهم عدى 16سنة ولازم تغير المعاملة خالص لأنها بقت منقبة يعني الهزار بحدود معاهم – لازم تغيري طريقة لبسك بدل البديهات والبناطيل جلباية واسعة وعليها النقاب ، قالت لي هروح اسأل شيخ قولت لها روحي وقوليله على سن كل واحد فيهم وهو هيقولك نفس كلامي ، بس يا بنت الحلال لو لقيتي نفسك مش هتقدري تتحملي أو هتحسي انك مقصرة أو مش بتعملي بالنقاب لازم تقلعيه عشان مش تشيلي ذنب اكبر وأنتي لبساه ، ومن غير ما تسأل شيخ ولا يحزنون لقيتها تاني يوم الصبح من غير نقاب ، ولقيتها بتقولي هو إحنا بتوع الحاجات ده . بذمتكم ده واحدة تنفع تكون منقبة ؟
ومن هنا بقول يا جماعة أنا لما بقول لواحدة اقلعي النقاب مش بقولها كده عشان مصلحتي لاء ده عشان مصلحتها هي اديكوا شوفتوا ثلاث حالات عاملين إيه بالنقاب دول يحق ليهم إني أقولهم اقلعوا النقاب ولا لاء ؟
بجد أنا مش عارفة أقول إيه النقاب مش كده خالص ، النقاب ده حاجة كده بيخلي الواحدة حاجة تانية خالص ( التزام – هدوء – شعور براحة غريبة وأنت بتتكلم معاها – تلاقيها قريبة أوي من ربنا – عندها حل لكل المشاكل وده بيكون فضل من عند ربنا – بيكون ربنا راضي عنها في كل حاجة ) ده لحالات النقاب اللي بتعمل بيه لأخرتها ولربنا ، مش الحالات اللي فوق ده لا تمد للنقاب بأي صلة .
أنا عارفة إني طولت عليكم أوي بس معلش الموضوع استفزني أوي خصوصاً أني اعرف منقابات في غاية الاحترام والفضيلة

ربنا يهدينا ويهدي الأمة الإسلامية أجمعين ويرحمنا برحمته
ولينا عودة مرة ثانية مع موضوع الحجاب وأشكاله في رمضان

Wednesday, September 12, 2007

رمضان كريم

حاولت افكر فى كلام اقوله ليكم بس كان قلبى اسرع فى الكلام يا أصحابى
وقالى قلبى قولى السنة دى لكل المدونين كل سنة وانتم طيبين و بصحة و خير دايما و يارب يارب يبلغكم رمضان عملا و صياما و قياما
و رمضان كريم

Thursday, August 30, 2007

رباعيات جاهين



يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!

إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!!

عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبي !!!

كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيب
عجبي !!!

Saturday, August 18, 2007

رسالة الى رجل ما


يا سيدي العزيز
هذا خطاب امرأة حمقاء
هل كتبت إليك قبلي امرأة حمقاء ؟
اسمي أنا ؟ دعنا من الأسماء
رانية .. أم زينب .. أم هند .. أم هيفاء
أسخف ما نحمله – يا سيدي - الأسماء
يا سيدي
أخاف أن أقول ما لدي من أشياء
أخاف – لو فعلت – أن تحترق السماء
فشرقكم يا سيدي العزيز يصادر الرسائل الزرقاء
يصادر الأحلام من خزائن النساء
يماري الحجر على عواطف النساء
يستعمل السكين .. والساطور
كي يخاطب النساء
ويذبح الربيع والأشواق والضفائر السوداء
وشرقكم يا سيدي العزيز
يصنع تاج الشرف الرفيع من جماجم النساء
لا تنزعج !
يا سيدي من سطوري
لا تنزعج !
إذا كسرت القمقم المسدود من عصور
إذا نزعت خاتم الرصاص عن ضميري
إذا أنا هربت
من أقبية الحريم في القصور
إذا تمردت على موتي .. على قبري .. على جذوري
والمسلخ الكبير
لا تنزعج يا سيدي
إذا أنا كشفت عن شعوري
فالرجل الشرقي
لا يهتم بالشعر ولا الشعور
الرجل الشرقي
– اغفر لي جرأتي -
لا يفهم المرأة إلا داخل السرير
معذرة يا سيدي
إذا تطاولت على مملكة الرجال
فالأدب الكبير – طبعاً – أدب الرجال
والحب كان دائماً .. من حصة الرجال
والجنس كان دائماً .. مخدر يباع للرجال
خرافة حرية النساء في بلادنا
فليس من حرية أخري .. سوى حرية الرجال
يا سيدي
قل ما تريد عني ، فلن أبالي
سطحية .. غبية .. مجنونة .. بلهاء
فلم اعد أبالي
لان من تكتب عن همومها
في منطق الرجال تدعي امرأة حمقاء
الم اقل في أول الخطاب إنني امرأة حمقاء ..
شعر / نزار قباني

Wednesday, August 1, 2007

سوء تفاهم


حصل سوء تفاهم كده وعاوزة اصلحه واوضح السوء اللى حصل
اولاً : بوست سامحني انا كنت لقيته مكتوب عندي في اجنته قديمة اوي ومش كنت اعرف بتاع مين كل الموضوع انو عاجبني اوي روحت كتبته ونزلته في المدونة وبعد مجالي عليه تعليقات اكتشفت بالصدفة انو لنزار قباني وكل اللى علق عندي افتكر انو بتاعي عشان كده انا مش رديت على التعليقات عشان سوء التفاهم ده وانا بجد متأسفة اوي على سوء التفاهم ده بس انا بعترف اني غلط اني مش كتبت تحت البوست مصدره منين
ثانياً : احب اوضح بس اني مش بسرق اعمال ناس معروفين وانسبهم ليا كل اللى حصل ده والله العظيم سوء تفاهم من غير قصد ، عشان فيه ناس قالت عليا كده وانا حبيت بس اوضح الموضوع مش اكتر ، حتى اخر بوست انا كتبته مش كلامي بردوا جيباه من الاجنته والله اعلم هو بتاع حد معروف ولا مجرد فضفضه على الورق
انا طبعا بجد متأسفة اوي على سوء التفاهم ده
ملحوظة / احب اقول ان كل اللي موجود في المدونة كلامي انا ماعدا ( ذات ليله - سامحني - رسالة ) عشان فيه ناس بتقول ان بوست واحد بس بتاعي وهو يوم جامد وده مش صحيح
وانا بعتذر لكل اللى بيدخلوا عندي على سوء التفاهم ده

Saturday, July 28, 2007

رسالة


عزيزي أستدعيك من حضن القمر
من حجر الشمس
لتضئ حياتي وتنير العمر
" أستدعيك "
استدعي الفرحة النائمة في عينيك
الراقدة في راحة كفيك
الساكنة على شفتيك
" أستدعيك فتأتي "
سراً أو حلماً أو همساً
أو خدراً يتسرب في شرايين النبض
أو في عمق مسامات النشوة المخزونة
" تحت الجلد "
الملتهبة بوهيج أشواق القلب
" أستدعيك فهل تأتي "