احاسيس مدفونه

حاسة بأحاسيس غريبة جوايا مش عارفة إيه هيه كل اللي حساه أني جوايا كلام كتير مش قادرة أطلعه ولا بالكتابة ولا حتى بالكلام حاسة بطاقة غريبة نفسي اعمل حاجات كتير أوي نفسي احقق ولو جزء بسيط من أحلامي سمعت خبر النهاردة خلاني طايرة من الفرحة وحاسة إني عاوزة اسعد كل الناس اللي حوليا بس بردوا لسه حاسة بحبة حزن جوايا يمكن عشان لسه مش لاقيه الشخص اللي يقدر يحبني ويقدرني ويخاف عليا ولا عشان مفتقدة الحب عامة مش عارفة كل اللي حساه إن فيه حاجة غريبة بتحصلي مش عارفة أوصفها دا أنا حتى مش عارفة أنا بكتب الكلام ده أزاي دوقتي نفسي أعيش حياتي زي ما أنا عاوزة نفسي أخد فرصتي بئه وألاقي حد يحبني أوي ويخاف عليا اكتر من نفسه ويعوضني عن كل اللي شوفته في حياتي ، كتير أوي بمر بمواقف بحس فيها أني لوحدي وبقول يااااااه لو كنت مرتبطة ويكون معايا في كل المواقف ديه بجد نفسي أعيش قصة حب بس يكون حب بجد ( يعني مش حب طياري ) جوايا كمية مشاعر وأحاسيس كتيرة أوي نفسي ألاقي حد يستاهل أني أطلعها عشانه معلش سامحوني بئه اصلي رومانسية زيادة عن اللزوم
ملحوظة : أنا كتب الكلام ده لمجرد إني حساه وعاوزة اكتبه وأنا آسفة أوي لو كان مش مترتب ومش مكتوب بصيغه حلوة بس أنا كتبت اللي كان في قلبي واللي حساه زي ما هو عشان اللي ها يقراه يحس أنا عاوزة أقول إيه يارب تكونوا فهمتوني وإحساسي وصلكم