نفسي يكون ليا اصدقاء

نفسي يكون ليا اصدقاء اوقات كتير بحس ان نفسي اكلم حد يفهمني وافهمه حد لما اتكلم معاه مايسخرش من كلامي او يتريق عليه مهما كان الكلام سواء جد او هزار انا والحمدلله ناس كتير بتحبني وبيقولوا عليا ان دمي خفيف ومحبوبة من كل اللى حواليا بس انا بجد مش عارفة انا لحد دلوقتي مش ليا اصدقاء ليه انا عارفة ناس كتير بحبهم وبيحبوني واصحابي بردوا بس انا نفسي في صديقة تكون معايا على طول احس زي ما تقولوا كده انها توءم روحي نكون مع بعض على طول احس انها كل حاجة في حياتي تشاركني حزني وفرحي واستشارها وتستشارني في كل حاجة بس انا مش لاقياها لحد دوقتي مش عارفة بئه العيب مني ولا مين مين بالظبط ؟ سوء اختيار ولا قلت معرفة بالناس انا منكرش ان ليا وحدة قارتي هي صاحبتي وحبيبتي واكتر من اختي كمان انا بحبها اوي وهي كمان بتحبني بس هي ليها حياتها الخاصة وانا مقدرش اجبرها انها تكون معايا على طول لان هي ليها اصحاب مقربين ليها اكتر مني انا كمان نفسي يكون ليا ولو صديقة واحدة تكون مقربه ليا تعاملني زي ما بعاملها صداقة من غير مصلحة يعني بس انا بحس انو مستحيل تلاقي صداقة من غير مصلحة في زمانا الاسود ده

تعرفوا انا بيجيلي اكتئاب كتير اوي عشان مش بلاقي حد اكلمه ولما بكون زعلانة او مضايقة مش بلاقي حد يسمعني غير قاربتي اللى حكتلكم عليها بس اوقات بتكون هي مشغولة او مش موجودة عشان افضفض معاها في الاوقات ده بيصعب عليا نفسي اوي ان بكون وحيدة وبصراحة انا عشان السبب ده انا عملت المدونة ده عشان القي حد يسمعني ولو عندي مشكله الاقي كذا شخص يحلهالي انا اولا مش ليا في الكتابة ولا عمري فكرت انى اكتب او ادون اي حاجة خالص بس لما فكرت قولت انا هكتب الكلام اللى بحسه من غير تزويق عشان الناس تحس انو طالع من القلب بجد انا اسفة اوي اني طولت عليكم وفي نفس الوقت اكتبت اول بوست ليا حزين اوي كده بس انا بتمنى ان الاقي حد يكون نعمة الصديق ياريت تدعولي ان الاقيه